ഇന്ത്യൻ സിനിമാപ്രേമികൾ ഏറെ പ്രതീക്ഷയോടെ കാത്തിരിക്കുന്ന ബ്രഹ്മാണ്ഡ ചിത്രമായ 'രാമായണ'ത്തെക്കുറിച്ചുള്ള വിശേഷങ്ങൾ പങ്കുവെച്ച് ബോളിവുഡ് താരം സണ്ണി ഡിയോൾ. ചിത്രത്തിൽ ഹനുമാനായി വേഷമിടുന്ന അദ്ദേഹം മാധ്യമങ്ങളോട് സംസാരിക്കവെ വികാരാധീനനായാണ് പ്രതികരിച്ചത്.
നിലവിൽ താൻ സിനിമയുടെ വളരെ ചെറിയൊരു ഭാഗത്ത് മാത്രമാണ് അഭിനയിച്ചു തീർത്തതെന്നും ഇനിയും ഏറെ മുന്നോട്ട് പോകാനുണ്ടെന്നും അദ്ദേഹം പറഞ്ഞു. ഹനുമാൻ്റെ വേഷം ചെയ്യാൻ ലഭിച്ച ഈ അവസരത്തിൽ അതീവ നന്ദിയുണ്ടെന്നും ആ കഥാപാത്രം ഏറ്റവും മികച്ച രീതിയിൽ അവതരിപ്പിക്കാൻ പരമാവധി പരിശ്രമിക്കുമെന്നും സണ്ണി ഡിയോൾ വ്യക്തമാക്കി. ഹനുമാനെ അവതരിപ്പിക്കുക എന്നത് അത്ര എളുപ്പമുള്ള കാര്യമല്ലെങ്കിലും താൻ അത് ഏറെ ആസ്വദിച്ചാണ് ചെയ്യുന്നതെന്ന് അദ്ദേഹം പറഞ്ഞു. കരുത്തനും അതേസമയം നിഷ്കളങ്കനും ചുറുചുറുക്കുമുള്ള വ്യക്തിത്വത്തിന് ഉടമയായ ഹനുമാൻ ഏവർക്കും പ്രിയങ്കരനായ ശ്രീരാമന്റെ പരമഭക്തനാണെന്നും അദ്ദേഹം കൂട്ടിച്ചേർത്തു.
നമിത് മൽഹോത്ര നിർമ്മിക്കുന്ന ഈ ബ്രഹ്മാണ്ഡ ചിത്രത്തിന്റെ ട്രെയിലർ റിലീസ് തീയതി ഇതിനോടകം തന്നെ പ്രഖ്യാപിച്ചിട്ടുണ്ട്. 2026 ജൂലൈ 24-നാണ് ലോകമെമ്പാടുമുള്ള കാത്തിരിപ്പുകൾക്ക് വിരാമമിട്ട് സിനിമയുടെ ഒഫീഷ്യൽ ട്രെയിലർ പുറത്തുവരുന്നത്. ഇതിന് മുന്നോടിയായി, ചിത്രത്തിന്റെ ആഗോള പ്രയാണത്തിന് തുടക്കം കുറിച്ചുകൊണ്ട് ന്യൂഡൽഹിയിൽ സംഘടിപ്പിച്ച 'പ്രഥം സങ്കൽപ്' ചടങ്ങിലും ട്രെയിലറിന്റെ പ്രത്യേക പ്രിവ്യൂവിലുമാണ് യാഷ് ഇക്കാര്യങ്ങൾ സംസാരിച്ചത്. നിതേഷ് തിവാരിയുടെ സംവിധാനത്തിൽ ഒരുങ്ങുന്ന 'രാമായണ പാർട്ട് 1' 2026-ലെ ദീപാവലി റിലീസായാണ് തിയേറ്ററുകളിൽ എത്തുക.
