2028-ൽ നടക്കുന്ന ടി20 ലോകകപ്പിൽ കളിക്കുമോ എന്ന ചോദ്യത്തിന് മനസ്സ് തുറന്ന് മലയാളി ക്രിക്കറ്റ് താരം സഞ്ജു സാംസൺ. 2024-ലെ ലോകകപ്പ് കഴിഞ്ഞപ്പോൾ, 2026-ലെ ലോകകപ്പ് ടീമിൽ താൻ ഇടംപിടിക്കുമെന്ന് പോലും കരുതിയിരുന്നില്ലെന്നും ആദ്യ മത്സരങ്ങളിലെ പ്ലേയിംഗ് ഇലവനിൽ തനിക്ക് സ്ഥാനമുണ്ടായിരുന്നില്ലെന്നും സഞ്ജു വ്യക്തമാക്കി. അങ്ങനെയുള്ളപ്പോൾ 2028-നെക്കുറിച്ച് ഇപ്പോൾ എങ്ങനെയാണ് പദ്ധതി തയ്യാറാക്കുകയെന്നും, ടീമിന് തന്നെ ആവശ്യമുണ്ടെങ്കിൽ ഒപ്പമുണ്ടാകുമെന്നും അദ്ദേഹം കൂട്ടിച്ചേർത്തു.

സഞ്ജു സാംസണിന്റെ മികച്ച പ്രകടനത്തിന്റെ പിൻബലത്തിലായിരുന്നു ഇന്ത്യ ടി20 ലോകകപ്പ് കിരീടം നിലനിർത്തിയത്. തുടർച്ചയായി മൂന്ന് അർദ്ധസെഞ്ച്വറികൾ അടിച്ചുകൂട്ടി താരം ഗംഭീര തിരിച്ചുവരവാണ് നടത്തിയത്. എന്നാൽ പിന്നീട് അയർലൻഡ്, ഇംഗ്ലണ്ട് ടീമുകൾക്കെതിരായ മത്സരങ്ങളിൽ ഫോം കണ്ടെത്താൻ കഴിയാതിരുന്നത് താരത്തിന് വീണ്ടും പുറത്തേക്കുള്ള വഴിതുറക്കുകയായിരുന്നു.

ഏറ്റവും ഒടുവിലായി സമാപിച്ച സിംബാബ്‌വെ പര്യടനത്തിനുള്ള ഇന്ത്യൻ സ്‌ക്വാഡിലും സഞ്ജുവിന് അവസരം ലഭിച്ചിരുന്നില്ല. താരത്തെ ടീമിൽ ഉൾപ്പെടുത്താത്തതിനെതിരെ വ്യാപക വിമർശനങ്ങൾ ഉയർന്നുവരുന്ന സാഹചര്യത്തിലാണ് സഞ്ജു തന്നെ നേരിട്ട് പ്രതികരണവുമായി രംഗത്തെത്തിയിരിക്കുന്നത്.