കണ്ണൂർ: ചെറുപുഴയിൽ രക്ഷാപ്രവർത്തനങ്ങൾ നടത്തുന്നതിനിടെ ഒഴുക്കിൽപ്പെട്ട് മരണമടഞ്ഞ തിരുവനന്തപുരം കല്ലിയൂർ സ്വദേശിയായ രാജേഷിന്റെ ഓർമ്മകൾക്ക് മുന്നിൽ പ്രണാമാർപ്പണം നടത്തി പ്രതിപക്ഷ നേതാവ് പിണറായി വിജയൻ. ദൗത്യത്തിനിടെ രാജേഷ് മുങ്ങിമരിക്കാനിടയായ സംഭവം ഏറെ വേദനാജനകമാണെന്ന് അദ്ദേഹം ഫേസ്ബുക്കിൽ കുറിച്ചു.
തന്റെ ജീവരക്ഷാ ജാക്കറ്റ് മറ്റൊരാളുടെ ജീവൻ കാക്കാൻ വിട്ടുനൽകിയ ആ യുവാവ്, മഹനീയമായ ആത്മത്യാഗത്തിന്റെയും പരസ്നേഹത്തിന്റെയും മായാത്ത മുദ്രകൾ പതിപ്പിച്ചാണ് വിടവാങ്ങിയത്. അപരന്റെ ജീവനായി സ്വന്തം ജീവൻ ബലി നൽകിയ രാജേഷിന്റെ സമർപ്പണം എക്കാലവും ഓർമ്മിക്കപ്പെടുമെന്നും, അദ്ദേഹത്തിന്റെ കുടുംബത്തിന്റെയും ഉറ്റവരുടെയും നാട്ടുക്കാരുടെയും തീരാദുഃഖത്തിൽ പങ്കുചേരുന്നുവെന്നും പിണറായി വിജയൻ കൂട്ടിച്ചേർത്തു.
