ഇടതുപക്ഷ പ്രസ്ഥാനത്തെ ഭീരുക്കളെന്ന് അധിക്ഷേപിച്ച ധനകാര്യ മന്ത്രി നിർമല സീതാരാമന്റെ പരാമർശത്തിനെതിരെ രൂക്ഷവിമർശനവുമായി ജോൺ ബ്രിട്ടാസ് എം.പി. ബ്രിട്ടീഷ് ഭരണാധികാരികൾക്ക് മാപ്പെഴുതി നൽകിയ ചരിത്രമുള്ള സവർക്കറുടെ അനുയായികളാണ് ഇപ്പോൾ ഇടതുപക്ഷത്തെ ഭീരുക്കളെന്ന് വിളിക്കാൻ മുതിരുന്നതെന്ന് അദ്ദേഹം പരിഹസിച്ചു.
പാർലമെന്റിൽ നേരിട്ടെത്താൻ ഭയപ്പെടുന്ന നരേന്ദ്ര മോദിയുടെയും അമിത് ഷായുടെയും അനുയായി മാത്രമാണ് നിർമല സീതാരാമനെന്നും അദ്ദേഹം കുറ്റപ്പെടുത്തി. ഇതിനുപുറമെ, കഴിഞ്ഞ ദിവസം രാജ്യസഭയിൽ ഉയർന്ന ചോദ്യങ്ങൾക്ക് തൃപ്തികരമായ മറുപടി നൽകാൻ ധനമന്ത്രി തയ്യാറായില്ലെന്നും ജോൺ ബ്രിട്ടാസ് ചൂണ്ടിക്കാട്ടി.
