കടലിൽ കാണാതായ മത്സ്യത്തൊഴിലാളികളെ കണ്ടെത്തുന്നതിനുള്ള രക്ഷാപ്രവർത്തനങ്ങളിൽ സംസ്ഥാന സർക്കാർ വലിയ പരാജയമാണെന്ന് ചൂണ്ടിക്കാട്ടി മുഖ്യമന്ത്രിക്കും മറ്റ് മന്ത്രിമാർക്കുമെതിരെ കടുത്ത വിമർശനവുമായി സി.പി.ഐ.എം. തിരച്ചിൽ നടപടികളിൽ ഗുരുതരമായ പാളിച്ചകൾ സംഭവിച്ചിട്ടുണ്ടെന്നും, അതിന് പുറമെ തീരദേശവാസികളെ മുഖ്യമന്ത്രി ആക്ഷേപിക്കുകയാണെന്നും സി.പി.ഐ.എം സംസ്ഥാന സെക്രട്ടേറിയറ്റ് അംഗമായ പി.എ. മുഹമ്മദ് റിയാസ് കുറ്റപ്പെടുത്തി.
സംസ്ഥാനത്തെ മന്ത്രിമാർ അഹങ്കാരത്തിന് കയ്യും കാലും വെച്ച അവസ്ഥയിലാണെന്ന് വിമർശിച്ച അദ്ദേഹം, മത്സ്യത്തൊഴിലാളി സമൂഹത്തോട് മുഖ്യമന്ത്രി പരസ്യമായി മാപ്പുചോദിക്കാൻ തയ്യാറാകണമെന്നും ആവശ്യപ്പെട്ടു. വിഴിഞ്ഞത്ത് വെച്ച് കടലിൽ കാണാതായ ജോൺ എന്ന വ്യക്തിയുടെ കുടുംബാംഗങ്ങളെ സന്ദർശിച്ചതിന് പിന്നാലെയായിരുന്നു പി.എ. മുഹമ്മദ് റിയാസിന്റെ ഈ രൂക്ഷപ്രതി
കരണം.
