കൊച്ചി-വൈപ്പിൻ മേഖലയിലെ റോറോ ജലഗതാഗത സർവീസുകൾ നിർത്തിവെച്ചു. കഴിഞ്ഞ ദിവസം ശക്തമായ നീരൊഴുക്കിൽപ്പെട്ട് റോറോ ബോട്ട് കടലിലേക്ക് ഒഴുകിപ്പോയ സംഭവമുണ്ടായിരുന്നു. ജലപ്രവാഹം രൂക്ഷമായതിനാലാണ് യാത്രകൾ റദ്ദാക്കിയതെന്നാണ് അധികൃതരുടെ ഭാഗത്തുനിന്നുള്ള വിശദീകരണം. എന്നാൽ, മുൻകൂട്ടി യാതൊരു അറിയിപ്പും നൽകാതെ പെട്ടെന്ന് സർവീസ് തടസ്സപ്പെടുത്തിയത് യാത്രികരെ വലിയ പ്രതിസന്ധിയിലാക്കിയിട്ടുണ്ട്.